Author: admin

Elena Branco

admin Sin categoría
Elena Branco

Imparte: Lindy hop e authentic jazz.

Bailarina, coreógrafa, profesora de lindy hop e authentic jazz, DJ e xestora cultural.

Directora e fundadora de Caixa de Ritmos, e cofundadora de Swing On xunto a Jorge Patiño . Ambas son pioneiras no ensino e a difusión do lindy hop e os bailes jazz en Galicia. Comezou a impartir clase en 2012 e organizar eventos relacionados co swing primeiro en Bueu e, máis tarde, en Cangas e Vigo, contribuíndo ao crecemento desta comunidade de baile na rexión.

Nas súas aulas, Elena transmite a importancia de comprender o lindy hop e o jazz como manifestacións culturais coa sua orixe na cultura afroamericana, e polo tanto abordándoas con respecto e humildade. O seu enfoque pedagóxico céntrase na exploración corporal a través da linguaxe do jazz e na riqueza rítmica, concibindo o baile como un instrumento máis dentro desta fascinante expresión artística.

Na súa faceta como DJ forma parte do colectivo Swing On DJs, tamén xunto a Jorge Patiño. As súas sesións teñen acadado un grande éxito, formando parte do cartel de diversos festivais internacionais de lindy hop e en importantes festivais de jazz por toda Galicia.

Como xestora cultural, Elena leva unha década á fronte de Swing On, demostrando unha gran capacidade de xestión e visión. Ademais, destaca como promotora de eventos, organizando ao longo destes anos multitude de encontros, entre os que sobresaen o Enxebre Swing Festival, Swing On The SEA, Swing On WIC.end e o Winter Is Coming Swing Festival.

Carlos Tomico

admin Profes
Carlos Tomico

Imparte: Lindy hop

Bailarín, coreógrafo, DJ, showman, mago e MC

Carlos Tomico é un apaixoado do lindy hop que levou o seu amor polo swing a outro nivel. A súa historia co baile comeza en 2012, cando se deixou atrapar polo ritmo contaxioso do lindy hop na escola En Modo Swing en Madrid. Desde entón, non deixou de moverse ao ritmo do swing, converténdose nunha das caras máis recoñecibles da escena galega.

Desde 2014, Carlos ensinou lindy hop en Alfaia Danza en Santiago de Compostela, e levou a súa inconfundible forma de ensinar a outras escolas como Hop Dance Studio en Porto e Swing On Vigo. O seu baile está marcado pola conexión coa música, o ritmo e unha teatralidade que fai que calquera persoa queira lanzarse a bailar. Inspirado por lendas como Leon James e Harold Nicholas, Carlos non só ensina pasos, senón tamén os valores que fan do lindy hop algo tan especial.

Se algunha vez o ves pinchando música, non terás dúbida de que é un fanático empedernido de Duke Ellington. É imposible que non poña algún temazo do mestre! Aínda que, ollo, que tampouco se resiste a outros grandes como Cab Calloway ou Lionel Hampton.

Desde 2022, Carlos sumou unha nova faceta ao seu repertorio: o canto. Está tomando clases de canto moderno e jazz, e é o vocalista da banda Ballroom Music Project. Así que non só o verás bailando, senón tamén cantando!

Con un estilo de baile que é tan divertido e despreocupado como el mesmo, Carlos Tomico é un auténtico showman que sabe como facer que a música cobre vida en cada paso, cada nota e cada sorriso.

Andrea Costa

admin Profes
Andrea Costa

Imparte: Lindy hop e authentic jazz.

Bailarina, coreógrafa, DJ e artista.

Desde hai unha década, o lindy hop é a súa maneira favorita de entender o mundo. Todo comezou cunha simple atracción polo swing, pero antes de darse conta, xa estaba completamente inmersa nese ritmos enérxicos que o jazz regala. Bailar non é só seguir un patrón de pasos para ela; é unha viaxe constante cara á autenticidade, un diálogo coa música no que cada improvisación conta unha historia diferente.

Como bailarina, busca que cada baile sexa unha expresión xenuína, que fale do seu amor polo swing e que respecte a esencia desta danza tan única.

Cando non está bailando, pódese atopar facéndo de DJ, onde goza facendo vibrar a pista con seleccións que fan que os pés de todos os presentes se movan sen parar. Hai algo máxico en ver como a música conecta os bailaríns, como transforma o espazo e crea unha atmosfera que só se vive no lindy hop.

O seu enfoque é unha mestura de técnica, paixón e moita diversión. Cada paso é unha oportunidade para explorar algo novo, para atopar ese equilibrio entre o estilo clásico e a súa propia expresión persoal. Despois de 10 anos, o lindy hop segue sendo a súa paixón máis grande e a mellor maneira de expresarse. É un amor polo ritmo, a conexión, e sobre todo, por esa liberdade que só o baile pode ofrecer.